شغلت فكري

يازين ارحم من يسمى ظنينك 
اللي كتبت اسمه بلوحه سوارك

وارحم عهودن حررتها يمينك 
مانفذوا مضمونها باختيارك 


شغلت فكري ومرمسات سنينك 
والحب يكبر في مساك ونهارك 


حبك بقلبي يرفعك مايدينك 
مملوك عند كيدعمك في قرارك 

كل الحلى مابين ثغرك وعينك 
والرمش يفضح خط سكة قطارك 


والشامة السمرا زهت في جبينك 
والجيد شعشع فوق شذرة زرارك 


أجمل من الدر المرصع يدينك 
والفل والنرجس يطرز ازارك 


ماعندنا شك بخافي كنينك 
على الوفاء راضين نتبع مسارك 


ماشفت انا بالغيد فنك وزينك 
 ربي عطاك الحسن واجزل وقارك