قصائد لم نجد باقي ابياتها

يا عين نامي

يا عين نامي دام حارسك سلمان
                      نايف وأحمد ليلهم فرقجيه

احرار صاروا للملمات أركان
                   أخوان فيصل ناصعين الهوية




لولاك

لولاك ما خضت الخطر سبع مرات
                     في متن نفاثن يشق السحابه

كل المصاعب في سبيلك يسيرات
                    نسلك مهالك دربكم ما نهابـي





هب الهوى

رمشك على الخدين عسكر وحراس
                        وجنود دورية خفارة تباريك

هب الهوى يسري على سذج الناس
                        توهموا حبك وصاروا مشابيك



اللي شداني

نسئل عن اللي عننا يسألوني
                      واللي نسانا يا هوى البال ننساه

واللي شراني احفظه بالجفوني
                      اقضي حياتي باقي العمر وياه




بالرمش سلم

بالرمش سلم حبيب الروح
                    ورموش عيني يحبونه

والدمع في خده المملوح
                    والشوق مفضوح بعيونه

يالترف يالناحل الصبوح
                    عيون المها تشبه عيونه



عطية الخالق

العلم يرفع صاحبه فوق الأعناق
                 بالحلم والمعروف نال الرياسه

عطية الخالق رجولة وأخلاق
                ما تكتسب بالمال او بالدراسة





مكارم الأخلاق

مكارم الأخلاق تاج الشجاعة
                       أصلي وفصلي يوم نودي بالأنساب

هي راس مالي والخلف والبضاعة
                        وأغض طرفي عن صغيرات الأسباب